Unser Freund Matze wollte mal was Politisches in curt unterbringen. "Dann fahr nach Kopenhagen und berichte", haben wir gefrotzelt. Das ließ er sich nicht lumpen ...
Horch, do denggst der nix bäis und sachst der - Hobb etz, fährst halt amol fier a Wuchnend nauf nach Kobbnhoong mitm Zuuch! Weils alle immer soogn das do droom zwor daier is, aber dafier aa gscheit schee sei soll.
Also, ich vo Berlin in Zuuch nei und sechsahalb Stund schbeeder bin i aa scho droom gween – abba ned alaans. Ich bin heggstns der aanziche Sebaldusbou gween an dem Wuchnend, abba Zichdausnd andre vo wass woss iich wouher sinn aa kumma, und wiesu? Walls alle maana dass der Blaneed des brenna oofaengt und walls maana mir mäin alle wos dou sunst schlächt der Gliimawandl zou!
Scheisse, hab I mer dengt, der Gliimawandel betrifft mich doch goanet, den ham doch blouss die arma Leit! Aber naa, aufm ‘Klimaforum’ (http://www.klimaforum09.org) hams mi dann eines besseren belehrt und am nächstn dooch bin I glei miedganga, zum demonsdriern.
Kreiz und quer durch’d ganze Stadt und weida naus in Richtung ‘Bella Center’(http://www.en.cop15.dk), dort wo’s sie alle treffn und disgudiern, die grossn und glanna Staatschefs aus der ganzn Welt, wo’s feilschn um a jeeds Eigständnis, weil a jeeda sanne eichener Inderessn verfolcht und glabbt, der ander’ sei zuerscht droo - derweil schreia’s auf der Strass dass mer alle aaf dem anner Blaneedn leehm, und dass kann Blaneed B net gibbt.
Hunderttausnd Laid sinn Kilomeederlang bei under Null auf die Strassn unterwegs am Samsdooch. ‘Des ZeeOo2 mou wech’, ‘Stobbt des Bla Bla Bla’, oder dass mer ka Fleisch mer essn soll weil des alles hie macht, weecher der Broddugtionskettn und so. Desweegn hams den Maeggie glei mit am Dutznd ‘Politi’ abgschirrmt.
Kalt wor’s und finster als mer dann alle endli okumma sin vorm dem Kongresszenter. Aber net weiter, weil nei lassn ja kann vo die Laid, abber a Buehner hats gehm mit anner Djane die die Laid mit am subber Teggno zum tanzn bracht hat.
An haufm gredd worn is natuerlich aa, und ich hab mer dacht:
Allmächd! Nou hammer Glügg nou gehts uns goud, die andern, die derwischts zuerscht, abba ans is gloa: Früher odder schbeeder erwischts uns aa, suu oder suu, drum glaab I, dass mer uns alle aweng froogn mäin wäi des alles midernander zamhängt, wou die ganze woar herkommt däi mer ham, und ob mer des alles wergli unbedingt aa braung, Und was mer net braung.
Iich wass aa net, nach dem Wuchnend wass i bloss ans, dass uns aans nimmer sei derf:
Absolut Worscht. Sonst geh mer under, alle mideinander.
[Matze Meyer]
Nur registrierte Benutzer können Kommentare schreiben.
Bitte melde Dich an oder registriere Dich.
|
